Hoar färb`n beim Pirzer Joe
Da Pirzer Joe, des is a stolzer Mo,
für sei Äusseres, tuat er, wos es ko.
Dou wärn a paar helle Stränchen in de Hoar niad schlecht
weil er doch no wia a Teenager ausschaua möcht.
D`Birgit muaß des macha, da Friseur kummt dou z`teia,
über des Ergebnis kon se da Joe aber gar niat gfeia.
D`Hoar san rot - man möchts niat glaubn,
wia beim Pumuckl oder dem Rotkäppchen sei Haubn!
Da Wasserverbrauch im Hause Wimmer is drauf enorm gstiegn
und am Joe is noch viele Wochen a roter Schimmer bliebn.
1995
- Details
- Geschrieben von: Farmer
- Zugriffe: 0
Weiß Michl`s Poppige Nachwuchsköche
Beim Weiß da gibt’s, wia ma weiß
guate Wurst für jedan, Bayer oder Preiß.
Und weil da Junior Koch bald wird
hod er wos neis ausprobiert.
A Pfanna her und Öl dazua
der Mich hat de nötige Ruah.
D’Oma glaubt niat recht zu hörn
a Pop-Corn soll des ganze wern?
Hoaß is de Pfanna, wia des zischt
schnell Mais eigschütt, wos ma dawischt,
auf oamal, glaub mas guater Mo,
da fangt des Zeug zum Spinna o.
am Ofa draussn bis nauf and Wand
da spritzt des ganze umanand.
De Res de trifft ja fast da Schlag
wias de Bescherung mitgriagt hod.
Sie moant: Bua, i kann bloß hoffa
du lernst so schnell wia möglich kocha.
1994
- Details
- Geschrieben von: Farmer
- Zugriffe: 0